ایبٹ آباد:ڈپٹی کمشنر ایبٹ آباد نے کہا ہے کہ گلیات میں لینڈ سلائیڈ اور برف میں پھنسی سیاحوں کی 7 ہزار گاڑیوں کو ریسکیو کر لیا ہے۔
انہوں نے کہا کہ لینڈ سلائیڈنگ کی کلیئرنس پر جی ڈی اے کا ہیوی مشینری کے ذریعے کام جاری ہے، سیاحوں سے گزارش ہے سٹرک کی بحالی تک گلیات کی جانب سفر سے اجتناب کریں۔
ڈپٹی کمشنر ایبٹ آباد نے کہا ہے کہ گلیات کے ایریا میں کسی بھی قسم کا جانی نقصان رپورٹ نہیں ہوا۔
جبکہ ترجمان جی ڈی اےنے کہا ہے کہ گلیات میں سڑکوں کی بحالی کیلئے جی ڈی اے مشینری نے کام شروع کر دیا ہے، کمشنر ہزارہ، ڈپٹی کمشنر اور ڈائریکٹر جنرل جی ڈی اے گلیات میں موجود ہیں، کچھ دیر میں نتھیاگلی ایبٹ آباد روڑ ٹریفک کیلئے بحال کر دی جائے گی۔
