اسلام آباد: حکومت کی طرف سے ضابطہ اخلاق میں تبدیلی کے معاملے پر الیکشن کمیشن کا اہم اجلاس ہوا ہے۔الیکشن کمیشن نے نئے آرڈیننس پر سیاسی جماعتوں سے مشاورت کا فیصلہ کیا ہے۔
ذرائع کے مطابق حکومت کی جانب سے ضابطہ اخلاق میں تبدیلی کا معاملے پر چیف الیکشن کمشنر کی زیر صدارت ای سی پی کا اہم اجلاس ہوا جس میں الیکشن کمیشن کے حوالے سے نئے آرڈیننس پر سیاسی جماعتوں سے مشاورت فیصلہ کیا گیا ۔
ذرائع نے بتایا کہ الیکشن کمیشن جلد مشاورت کے لیے جلد سیاسی جماعتوں کے قائدین کو خط لکھے گا۔سیاسی جماعتوں کو بلا کر حکومت کی طرف جاری آرڈیننس پر انکی رائے طلب کی جائے گی ۔سیاسی جماعتوں سے مشاورت کے بعد الیکشن کمیشن اگلا لائحہ عمل طے کرے گا۔
ذرائع کے مطابق الیکشن کمیشن حکومت سے بھی دوبارہ رابطہ کا فیصلہ کیا ہے ۔ حکومت کو الیکشن کمیشن کی جانب نئے آرڈیننس پر اپنے تحفظات سے آگاہ کیا جائے گا۔
