ملتان: امیر جماعت اسلامی سراج الحق نے کہا کہ الیکٹرانک ووٹنگ مشین ایک دھاندلی کرنے کا ڈیجیٹل طریقہ ہے۔یہ حکومت دوبارہ جادوئی مشین سے آنا چاہتی ہے۔
ملتان میں میڈیا سے گفتگو کرتے ہوئے امیر جماعت اسلامی سراج الحق نے کہا ملتان سمیت جنوبی مشکلات سے دوچار ہے۔جنوبی پنجاب پر مافیا کا قبضہ ہے۔ جنوبی پنجاب کا کاشتکار سب سے زیادہ پریشان ہے۔ بیج سونے کی قیمت میں فروخت ہونے لگا ہے۔
انہوں نے کہا کہ جنوبی پنجاب سمیت پورے ملک میں بد امنی ہے۔ تمام ملکی ادارے تباہ ہو چکے ہیں۔پی ٹی آئی نے حکومت میں آنے سے پہلے مافیا کے خلاف ایکشن کا وعدہ کیا گیا جبکہ اس وقت بڑے تکبر کے ساتھ مافیا کی حکومت ہے۔ملک میں غربت ناچ رہی ہے جبکہ موجودہ حکومت بس پانچ سال پورے کرنا چاہتی ہے
سراج الحق کا مزید کہنا تھا 28 نومبر کو میں بے روزگار نوجوانوں کو اسلام آباد لے کر آ رہا ہوں۔ حکومت ایک کروڑ نوجوانوں کو نوکری تک نہیں دے سکی۔نوجوانوں کو اب ایوانوں میں آنا چاہیے۔