اسلام آباد: پاکستان ڈیمو کریٹک موومنٹ کے سربراہ مولانا فضل الرحمان کا کہنا ہے کہ عدلیہ نے ہمارے مطالبے پر غور کرنے کے بجائے اسے مسترد کردیا ہے اگر فل کورٹ نہ بنایا گیا تو عدلیہ کے فیصلے کو مسترد کرتے ہیں۔
پریس کانفرنس خطاب کرتے ہوئے مولانا فضل الرحمان نے کہا کہ حکومت چاہتی ہے کہ کوئی ادارہ مداخلت نہیں کرے، پنجاب کے کیس کے سلسلے میں عدالتی کارروائی کا بائیکاٹ کریں گے۔ وفاقی وزیر احسن اقبال نے کہا کہ فل بینچ مطالبے کا مقصد یہ تھا کہ عدلیہ سے متعلق کوئی تنازع پیدا نہ ہو، مطالبے کا مقصد یہ تھا کہ سب فریقین کے لیے یہ فیصلہ حتمی ہو گا۔