اسلام آباد: وفاقی وزیر انسانی حقوق ریاض حسین پیرزادہ نے کہا ہے کہ مودی حکومت کی جانب سے کشمیری رہنما یاسین ملک کو پھانسی کی سزا دئے جانے کا خطرہ ہے۔یاسین ملک کیس کا عالمی پلیٹ فارم پر بھرپور انداز میں دفاع کریں گے۔
اسلام آباد میں کشمیری رہنما یاسین ملک کی اہلیہ مشعال ملک کے ہمراہ پریس کانفرنس کرتے ہوئے وفاقی وزیر انسانی حقوق ریاض پیرزادہ نے کہا کہ آئندہ ماہ جنیوا میں عالمی برادری کے سامنے یاسین ملک کی رہائی کے لئے بھرپور آواز اٹھائی جائے گی۔پاکستان یاسین ملک کی سزا پر سخت احتجاج کرے گا۔
یاسین ملک کی اہلیہ مشعال ملک نے کہا کہ 25 مئی کو یسین ملک کو سزا سنائی جارہی ہے۔یاسین ملک کا عدالتی قتل کیا جارہا ہے۔عالمی عدالت انصاف کلبھوشن یادیو کو کونسل رسائی دے سکتی ہے تو ہمیں بھی انصاف فراہم کیا جائے۔اقوام متحدہ کمیشن آف انکوائری ہماری درخواست کانوٹس لے۔
کشمیری رہنما یاسین ملک کی صاحبزادی بیٹی رضیہ سلطانہ نے کہا کہ بھارت میرے بابا کو پھانسی دینا چاہتا ہےمیرے بابا کو بچایا جائے۔