اسلام آباد: وفاقی وزیر اسد عمر نے کراچی میں ایم کیو ایم کارکنان پر تشدد کی مذمت کرتے ہوئے کہا ہے کہ طاقت کے استعمال کے ذریعے حق اختلاف کو دبانے کی پیپلز پارٹی کی روش شرمناک ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر اسد عمر نے کہا کہ جمہوریت کے لبادے میں پیپلزپارٹی کا آمرانہ طرزِ حکومت نہایت قابل مذمت ہے ۔دستور پاکستان شہریوں کو پرامن احتجاج کا حق دیتا ہے۔طاقت کے استعمال کے ذریعے حق اختلاف کو دبانے کی پیپلز پارٹی کی روش شرمناک ہے۔
وفاقی وزیر علی زیدی کی ایم کیو ایم کارکنان پر تشدد کی مذمت کرتے ہوئے کہا کہ کراچی میں نہتے کارکنان ، عورتوں اور ارکان اسمبلی پر ڈنڈے برسائے گئے۔سندھ حکومت کی جانب سے مظاہرین پر پولیس گردی انتہائی شرمناک ہے۔سندھ میں جنگل کا قانون ہے عوام کے ساتھ ناروا سلوک کیا جارہا ہے۔
