اسلام آباد: ترجمان دفتر خارجہ عاصم افتخار نے بھارتی وزیر دفاع راج ناتھ سنگھ کے پاکستان مخالف بیان کو مسترد کرتے ہوئے کہا کہ راج ناتھ سنگھ نے پاکستان پر دہشت گردی کے بے بنیاد الزامات عائد کیے۔
ترجمان دفترخارجہ عاصم افتخار نے بھارتی وزیر دفاع کے پاکستان مخالف بیان کو سختی سے مسترد کر دیا۔ عاصم افتخار نے کہا کہ راج ناتھ سنگھ نے پاکستان پر دہشت گردی کے بے بنیاد الزامات عائد کیے۔ بھارتی وزیر دفاع نے اپنے بیان میں پاکستان کے خلاف دھمکی آمیز رویہ اپنایا۔
ترجمان دفترخارجہ نے کہا کہ بی جے پی ہمیشہ سے تاریخی حقائق کو مسخ کرتی آئی ہے۔بھارت میں اہم ریاستوں میں انتخابات کے وقت بی جے پی یہی رویہ اپناتی ہے۔اترپردیش میں انتخاب جیتنے کےلیے بھارتی وزیر دفاع نے اشتعال انگیز زبان استعمال کی۔