کراچی: مقامی صرافہ بازار میں سونے کی فی تولہ قیمت میں مزید 600 روپے اضافہ ہوگیا جبکہ عالمی مارکیٹ میں بھی سونا مزید مہنگا ہوگیا ۔
صرافہ بازار ایسوسی ایشن کے مطابق سونے کی قیمت میں600 روپے کا اضافہ ہوگیاجس کے بعدفی تولہ سونا1لاکھ 26ہزار350روپے پر پہنچ گیا جبکہ 10 گرام سونے کی قیمت 515 روپے کے اضافے سے1لاکھ 8ہزار325 روپے ہوگئی۔
دوسری جانب سونے کے عالمی بازار میں بھی قیمتوں میں اضافے کا رجحان دیکھا گیا ۔ عالمی مارکیٹ میں بھی 30 ڈالر کے اضافے سے فی اونس سونا 1886ڈالر پر پہنچ گیا۔