اسلام آباد: رمضان المبارک سے قبل مہنگائی کی رفتار پھر سے تیز ی آنے لگی ۔ ایک ہفتے کے دوران مہنگائی کی شرح میں ایک اعشاریہ ایک صفر فیصد اضافہ ہوگیا۔
ادارہ شماریات کی مہنگائی کی ہفتہ وار رپورٹ جاری کردی ہے ۔رپورٹ کے مطابق ایک ہفتے کے دوران 25اشیاء خور و نوش کی قیمتوں میں اضافہ ہوا جبکہ صرف 8 اشیائے ضروریہ کی قیمتوں میں کمی ہوئی ۔
ملک میں گھی اور کوکنگ آئل کی قیمتوں میں اضافہ مسلسل جاری ہے ۔ گزشتہ ہفتے دال ماش،دال مسور،دال مونگ ،بیف بچوں کا خشک دودھ بھی مہنگا ہوا۔ لہسن،ٹماٹر،انڈے گڑ اور چینی کی قیمتوں میں کمی ریکارڈ کی گئی ۔
