بلوچستان کے مختلف اضلاع میں بارش اور برف باری جاری ہے۔ شدید بارشوں کے بعد گوادر کو آفت زدہ قرار دے دیا گیا۔ کوئٹہ چمن اور کوئٹہ سنجاوی شاہراہ ہیوی ٹریفک کیلئے بند ہے۔
کوئٹہ سمیت بلوچستان کے علاقوں میں میں برف باری اور بارش کا سلسلہ جاری ہے،پہاڑی علاقوں کے ندی نالوں میں طغیانی کی صورتحال پیدا ہوگئی ہے،خیبر پختونخواہ اور پنجاب سے آنے والی ٹرانسپورٹ کی روانگی کے لئے کان میترزئی شاہراہ کو بحال کردیا گیا۔ پاک فوج اور ایف سی کی جانب سے مکران ڈویژن سمیت دیگر اضلاع میں امدادی سرگرمیاں جاری ہیں کوئٹہ سے چمن جانے والی شاہراہ چھوٹی گاڑیوں کے لئے بحال کردی گئی۔
برف باری کے باعث شاہراہوں کی بندش کےپیش نظرعوام کوغیر ضروری سفر سے گریز کرنے کی ہدایت کی گئی ہے،کوئٹہ اور صوبے کے بیشتر علاقوں میں سردی بڑھنےسے گیس پریشر کم اور بجلی کی بندش سے لوگوں کو مشکلات کا سامنا ہے۔