اسلام آباد: سابق صدر آصف علی زرداری کا کہنا ہے کہ حکومت کسانوں کو کھاد مہیا کرنے میں ناکام ہو گئی ہے۔فصلوں کی مناسب اور منصفانہ قیمت نہ ملنا کسانوں کا معاشی استحصال ہے۔
پیپلز پارٹی کے شریک چیئرمین آصف زرداری نے کسان مارچ کے نام اپنے پیغام میں کہا کہ کسان ملکی معیشت کی ریڑھ کی ہڈی ہیں۔ خوشحال کسان مستحکم پاکستان کی ضمانت ہے۔کسانوں کو محنت کا پھل نہ ملنا انتہائی ناانصافی اور فصلوں کی مناسب اور منصفانہ قیمت نہ ملنا کسانوں کا معاشی استحصال ہے۔
آصف زرداری نے کہا کہ پاکستان پیپلزپارٹی کسانوں سے انصاف کی روایت برقرار رکھے گی۔ کسانوں کو مارکیٹ تک رسائی کو آسان بنائے گی ۔ زرعی طور مضبوط پاکستان پیپلزپارٹی کا منشور ہے ۔موجودہ حکومت کسانوں کو ذرعی کھاد مہیا کرنے میں ناکام ہو گئی ہے۔