اسلام آباد : حکومت نے سال نو کی آمد پر عوام پر پیٹرول بم گرانے کے بعد بجلی کے جھٹکے لگانے کی تیاری کرلی ہے ۔ بجلی کی تقسیم کار کمپنیوں نے ادائیگیوں میں سترہ ارب پچاسی کروڑ روپے کے اضافی کی درخواست کردی۔
حکومت نے نئے سال پرقوم کو پیٹرول کے بعد مہنگی بجلی کا تحفہ دینے کی تیاری کرلی گئی۔ بجلی کی تقسیم کار کمپنیوں نے ادائیگیوں میں سترہ ارب پچاسی کروڑ روپے کے اضافی کی درخواست کردی ہے۔نیپرا میں درخواست پر سماعت بارہ جنوری کوہوگی۔
پاور ڈسٹری بیوٹرز کمپنیوں نے اضافہ کپیسٹی چارجز اور ترسیلی نقصانات کی مد میں مانگا ہے ۔گزشتہ روز پیٹرول چار روپے اضافے کے بعد ایک سو چوالیس روپے بیاسی پیسے فی لیٹر ہوچکاہے۔
