کراچی: جماعت اسلامی نے وزیراعلیٰ ہاؤس جانے کا عندیہ دیدیا۔ حافظ نعیم الرحمان کہتے ہیں کہ ہمارا دھرنا توانا اواز بن چکا ہے۔ ہم تاریخیں نہیں دیں گے بلکہ اپنا حق لے کر اٹھیں گے۔
سندھ اسمبلی کے باہر کالے بلدیاتی قانون کے خلاف جماعت اسلامی کے دھرنا اٹھارویں روزبھی جاری ہے۔ اس موقع پردھرنے کےشرکاسےخطاب کرتےہوئے امیرجماعت اسلامی کراچی حافظ نعیم الرحمان نے کہا کہ ہمارا دھرنا ایک توانا اواز ہے ۔ ہم دوسروں کی طرح مشترکہ جلسے نہیں کریں گے اور نہ ہی تاریخیں دیں گے۔ بلکہ حق لے کر اٹھیں گے۔
امیر جماعت اسلامی کراچی نے کہا کہ اس شہر کی بدقسمتی ہے کہ پہلے اسے برباد کیا گیا ۔ جن منصوں کا افتتاح کیا وہ بھی ادھورے ہیں ۔ اداروں کی کارکردگی سب کے سامنے ہے۔ شہر کی ترقی پر لگائے گئے چار پانچ سو ارب کہاں گئے کسی کو معلوم نہیں ۔
حافظ نعیم الرحمان نے مزید کہا کہ کراچی میگا سٹی ہے۔ اس میں بسنے والے ہر قوم اور مکتبہ فکر سے تعلق رکھنے والے ہر فرد کے مسائل کے حل کیلئے کوشاں ہے۔