بخارسٹ:رومانیہ کے مشرق میں ایک ہیلی کاپٹر اور جنگی طیارے کے آپس میں ٹکرانے سے کم از کم سات افراد ہلاک ہو گئے ہیں۔
غیر ملکی خبرایجنسی کے مطابق رومانیہ کے مشرق میں خراب موسم کے باعث ہیلی کاپٹر اور جنگی جہاز آپس میں ٹکرا گئے جس کے نتیجے میں 7 افراد جان کی بازی ہار گئے ۔بحیرہ اسود کے قریب پیش آنے والا یہ حادثہ رومانیہ کی حالیہ تاریخ کا بدترین فضائی حادثہ ہے۔ یورپی یونین کا یہ رکن ملک مشرق کی جانب نیٹو کا فرنٹ لائن اتحادی ہے۔
رومانیہ سابق سوویت یونین کا حصہ تھا لیکن بعدازاں یہ یورپی یونین اور نیٹو کا رکن بنا۔ اس ملک میں امریکا نے بھی اپنے فوجی تعینات کر رکھے ہیں۔ یوکرینی مہاجرین پناہ لینے کے لیے اس ملک میں بھی داخل ہو رہے ہیں۔