نئی دہلی: بھارتی کانگریس کے رہنما راہول گاندھی نے ملک میں انتہا پسندانہ ہندوتوا نظریے کو فروغ دینے پر مودی کی سربراہی میں بھارتیہ جنتا پارٹی کی حکومت پر کڑی تنقید کی ہے۔
بھارتی میڈیا کے مطابق بھارت کے صوبے راجستھان کے شہر جے پور میں مہنگائی کے خلاف ایک عوامی ریلی سے خطاب کرتے ہوئے راہول گاندھی نے کہا کہ ہندوتوا اور ہندو 2 الگ الگ الفاظ ہیں۔ہندو توا نظریہ انسانوں کے قتل سمیت کسی بھی ذرائع سے اقتدار کے حصول پر مبنی ہے۔
کانگریسی رہنما راہول گاندھی کا کہنا تھا کہ نریندر مودی اور ان کے چند دوست صنعتکاروں نے ملک کو تباہ و برباد کردیا ہے ۔