اسلام آباد: وفاقی وزیر توانائی حماد اظہر کا کہنا ہے کہ حکومت نے مشکل اور غیر مقبول فیصلوں کے ذریعے معیشت کو ٹھوس بنیادوں پر استوار کر دیا ہے ۔ مستقبل میں ملکی اقتصادی ترقی کی شرح 5 فیصد سے زائد رہے گی۔
اسلام آباد میں نیوز کانفرنس کرتے ہوئے وزیر توانائی حماد اظہر کا کہنا تھا کہ معاشی استحکام کے لیے معیشت کے مختلف شعبوں میں وسیع بنیادوں پر اصلاحات کی گئیں۔ کورونا کے باوجود معاشی استحکام کا حصول حکومت کی موثر پالیسیوں کا منہ بولتا ثبوت ہے جس کا بین الاقوامی ادارے اور عالمی جریدے بھی اعتراف کررہے ہیں۔
وفاقی وزیر برائے توانائی حماد اظہر نے کہا کہ حکومت اصلاحات کا عمل جاری رکھے گی تاکہ عام آدمی تک معاشی ترقی کے ثمرات پہنچ سکیں۔