کراچی: گورنر ہاوس میں گیارہویں سالانہ ونٹیج کار ریلی کا افتتاح کر دیا گیا۔
اس موقع پر گورنر سندھ عمران اسماعیل نے سندھ حکومت کو آڑے ہاتھوں لیتے ہوئے کہا کہ صوبائی حکومت آٹے اور چینی کے معاملے پر سیاست کرنا بند کرے ، صوبے بھر میں آج بھی سب سے زیادہ شوگر ملز آصف علی زرداری اور انکے ساتھیوں کی ہیں ۔ سندھ حکومت مصنوعی بحران کا دکھاوا کرکے محض ہمیں تنگ کر رہی ہے ۔
گورنر سندھ عمران اسماعیل نے کہا کہ دنیا کے آٹھ ممالک میں سے آج بھی پیٹرول ملک میں سب سے سستا ہے ، حکومت مہنگائی کا خاتمہ تو چاہتی لیکن وفاق کے پاس اتنا پیسہ نہیں کہ سبسڈی دے ۔
ایم کیو ایم کے معاملے پر ان کا کہنا تھا کہ انکی ہم سے علیحدگی کی تمام باتیں محض افواہیں ہیں ۔
اس دوران گورنر سندھ عمران اسماعیل نے کراچی تا پشاور کار ریلی کا افتتاح بھی کیا ۔