اسلام آباد: وزیر اعظم عمران خان سے پرنس آف ویلز شہزادہ چارلس نے ٹیلی فونک رابطہ کیا ہے۔ دونوں رہنماؤں نے گلاسگو میں ہونے والی کانفرنس اور موسمیاتی تبدیلی بارے عالمی تعاون بڑھانے پر اتفاق کیا ۔
پرنس آف ویلز نے وزیراعظم عمران خان کو موسمیاتی تبدیلیوں سے نمٹنے کے لیے پاکستانی اقدامات پر مبارکباد دی ۔ ساتھ ہی شہزادہ چارلس نے افغانستان کی صورتحال پر بھی تبادلہ خیال کیا ۔
پرنس آف ویلز نے افغانستان اور خطے میں استحکام کے لیے پاکستان کے کردار کی تعریف کی۔
دونوں رہنماؤں نے موسمیاتی تبدیلی کے حوالے سے وسیع تر عالمی تعاون کی ضرورت پر اتفاق کیا۔