اسلام آباد: وزیرِاعظم عمران خان سے وزیراعلی پنجاب عثمان بزدار نے ملاقات کی ، ملاقات میں مشیرِ خزانہ شوکت ترین بھی شریک تھے۔
دونوں رہنماؤں کے درمیان ملاقات میں پنجاب کے انتظامی امور کی اصلاح کے لیے اٹھائے گئے اقدامات پر گفتگو کی گئی ۔
وزیر اعظم اور وزیر اعلیٰ پنجاب کے درمیان ذخیرہ اندوزوں کے خلاف جاری آپریشن پر پیش رفت پر بھی گفتگو ہوئی ، ساتھ ہی ملاقات میں کسان کارڈ اور ایگریکلچر ٹرانس فارمیشن پلان کے مثبت اثرات پر بھی گفتگو کی گئی۔