اسلام آباد: وزیر اعظم عمران خان نے تحریک انصاف کے حامیوں سے جلد اسلام آباد پہنچنے کی اپیل کردی ہے ۔
وزیراعظم نے امر بالمعروف جلسے کے حوالے سے خصوصی آڈیو پیغام جاری کیا ہے ۔ وزیراعظم نے پی ٹی آئی کے حامیوں سے اپیل کی ہے کہ گھروں سے نکلیں اور جلسے میں پہنچیں ۔ جولوگ بھی جلسے کے لئے نکل رہے ہیں وہ جلد نکلیں۔مجھے خوف ہے کہ سڑکوں پررش ہونے کے باعث آپ لوگ وقت پر جلسہ گاہ نہیں پہنچ سکیں گے ۔
وزیراعظم کا کہنا ہے کہ آج ہم پاکستان کی تاریخ بنانے نکلے ہیں ۔ آج جو جلسہ ہورہا ہے یہ تحریک انصاف کی نہیں بلکہ پاکستان کے مستقبل کی جنگ ہے ۔
