پاکستان تحریک انصاف کے سربراہ عمران خان نے آج ایک بار پھر کہہ دیا کہ میں ہر روز زیادہ خطرناک ہو رہا ہوں۔
اسلام آباد کی انسداد دہشتگردی عدالت سے روانگی پر صحافیوں کے سوالوں کے جواب میں عمران خان کا کہنا تھا کہ میں ہر روز زیادہ خطرناک ہو رہا ہوں۔ ان سے پوچھا گیا کہ آپ کا خطرناک ہونے کا پیغام کس کے لیئے ہے جس پر سربراہ پی ٹی آئی نے کہا کہ آج سرگودھا جلسے میں بتاؤں گا۔ عمران خان نے گزشتہ روز بھی کہا تھا کہ میں بہت خطرناک ہوں۔ بعد ازاں انہوں نے بتایا کہ ایک صحافی مجھے بار بار تنگ کر رہا تھا جس پر میں نے کہا کہ میں بہت خطرناک ہوں۔
ایک صحافی نے سوال کیا کہ آپ کی اہلیہ پر الزام ہے کہ انہوں نے ملک ریاض سے ہیروں کا ہار لیا ہے جس پر عمران خان کا کہنا تھا کہ ہار بہت سستے ہوتے ہیں کسی مہنگی چیز کی بات کرو۔