اسلام آباد:مسلم لیگ نون کی ترجمان مریم اورنگزیب کا کہنا ہے کہ سبز باغ دکھا کر عمران صاحب نے قوم کو دوبارہ قطاروں میں کھڑا کردیا ہے۔ہر طرف نئے پاکستان کے اذیت ناک مناظر ہیں۔
سماجی رابطے کی ویب سائٹ ٹوئٹر پر اپنے ایک پیغام میں نون لیگ کی ترجمان مریم اورنگزیب کا کہنا تھا کہ ایک منتخب وزیراعظم نواز شریف نے لوڈشیڈنگ کی اذیت، پٹرول، گیس کی قطاروں سے نجات دلائی تھی جبکہ عمران خان نے سبز باغ دکھا کر قوم کو دوبارہ قطاروں میں کھڑا کردیا ہے۔
مریم اورنگزیب کا مزید کہنا تھا کہ کہیں آٹے اور چینی کے لیے تو کہیں گیس پیٹرول اور بے روزگاروں کی قطاریں ہیں۔ ہر طرف نئے پاکستان کے اذیت ناک مناظر ہیں جو کہ افسوسناک اور شرمناک ہیں ۔
