اسلام آباد: متحدہ اپوزیشن کے قائدین کے مشاورتی اجلاس کا اعلامیہ جاری کردیا گیا ۔ اعلامیے کے مطابق اپوزیشن کے پاس نمبر گیم پوری ہونے اور تحریک عدم اعتماد کی کامیابی کیلئے اطمینان کا اظہار کیا گیا ۔
متحدہ اپوزیشن کے قائدین کے مشاورتی اجلاس میں اپوزیشن اور اس کا ساتھ دینے والی جماعتوں کے172ارکان قومی اسمبلی نے شرکت کی۔ اجلاس میں اپوزیشن کے پاس نمبر گیم پوری ہونے اور تحریک عدم اعتماد کی کامیابی کیلئے اطمینان کا اظہار کیا گیا ۔
متحدہ اپوزیشن کے اعلامیہ میں کہا گیا ہے کہ عمران خان اکثریت کھو چکے ہیں وہ وزیراعظم کے منصب پر غیرآئینی طور پر قابض ہیں۔اپوزیشن عمران خان کو این آر او نہیں دے گی۔ سیاسی جماعت کا آلہ کار بننے کی کوشش کرنے والے حکام کو قانون کا سامنا کرناہوگا۔
