اسلام آباد: اقوام متحدہ کے تحت اسلاموفوبیا کے خلاف ہر سال پندرہ مارچ کو عالمی دن منایا جائے گا۔اقوام متحدہ میں تاریخی قرارداد منظور ہونے پر وزیراعظم عمران خان نے امت مسلمہ کو مبارکباد دی ہے۔
وزیر اعظم عمران خان نے سوشل میڈیا ایپ ٹوئٹر پر اپنے ایک پیغام میں اقوام متحدہ میں اسلامو فوبیا کے خلاف عالمی دن منانے کی قرارداد منظور ہونے پر امت مسلمہ کو مبارکباد دی ۔ انہوں نے کہا کہ اسلامو فوبیا کی بڑھتی ہوئے لہر کے خلاف ہماری آواز سنی گئی ہے۔
عمران خان کا کہنا تھا کہ آج اقوام متحدہ نے بالاخر دنیا کو درپیش سنگین چیلنج کو تسلیم کر لیا ہے۔اگلاچیلنج اس تاریخی قراردادپرعملدرآمد کو یقینی بنانا ہے۔