لاہور: مسلم لیگ نون کی نائب صدر مریم نواز کا کہنا ہے کہ عمران خان نے پاکستان کو تباہی اور بربادی کے گڑھے میں پھینک دیا ہے ۔
سماجی رابطے کی ویب سائٹ ٹوئٹر پر اپنے ایک پیغام میں لیگی نائب صدر مریم نواز نے وزیر اعظم عمران خان کو مخاطب کرتے ہوئے کہا کہ غصہ، اشتعال، دھمکیاں، گالیاں، زبان درازی گھبرا گئے ہونا ؟ ۔ آج چاروں طرف غربت، مہنگائی، بےروزگاری، بدامنی اور دہشتگردی کا راج ہے۔ اپنی ناکامیوں کا الزام اپوزیشن اور دوسرے ممالک کو نہ دو سازش کا واویلا کر کےتم قوم کو بےوقوف نہیں بناسکتے۔
مریم نواز نے حکومتی پالیسیوں پر شدید تنقید کرتے ہوئے کہا کہ تم نے پاکستان کو تباہی اور بربادی کے گڑھے میں پھینک دیا۔اپنی ناکامیوں کا الزام اپوزیشن کو نہ دو۔ دوسرے ممالک کو سازش کا واویلا کر کےتم قوم کو بےوقوف نہیں بنا سکتے۔ جس شخص کو نہ تاریخ کا علم ہو نہ جغرافیہ کا، جسے نہ خارجہ پالیسی کا اتہ پتہ ہو نہ سفارتی تعلقات کا، جسے نہ حکومت چلانا آیا ہو نہ عوام کے مسائل حل کرنا ۔
مریم نواز نے کہا کہ آنکھیں کھول کے دیکھو!تمھاری جماعت کے بخیے ادھڑ رہے ہیں اور اس کے ذمہ دار آپ خود ہیں۔آپ کی گندی زبان ہے۔آپ کا تکبر اور غرور ہے اور اپنے ممبران کو احترام نا دینا ہے۔اب بہت دیر ہو چکی۔آپ کی خالی دھمکیاں اب کسی کام کی نہیں۔
