کوئٹہ: وزیراعلیٰ بلوچستان عبدالقدوس بزنجو کا کہنا ہے کہ بھارتی فضائیہ کبھی بھی پاکستان فضائیہ کےسرپرائز کو نہیں بھولے گی ۔
بھارتی طیارے گرانے کے 3 برس مکمل ہونے پر وزیراعلی ٰبلوچستان نے اپنے پیغام کہا ہے کہ 27 فروری کو پاکستان فضائیہ کے شاہینوں نے بھارت کا غرور خاک میں ملایا۔27فروری پاکستان فضائیہ کی تاریخ میں دشمن کا غرور خاک میں ملانے کا دن ہے۔
عبدالقدوس بزنجو نے کہاکہ پاک فضائیہ کے شاہینوں نے اپنی پیشہ ورانہ مہارت کا لوہا منوایا۔قوم شاہینوں کی بہادری کو خراج تحسین پیش کرتی رہے گی۔پاکستانی افواج دشمن کی کسی بھی جارحیت کا منہ توڑ جواب دینے کیلئے ہمہ وقت تیارہے۔