اسلام آباد:انسپکٹر جنرل پولیس کی صحافی محسن بیگ کے گھر پر چھاپے اور تشدد کے معاملے پر انکوائری رپورٹ اسلام آباد ہائیکورٹ میں جمع کروادی گئی۔
صحافی محسن بیگ کے گھر پر چھاپے اور تشدد کا معاملے پر آئی جی اسلام آباد کی انکوائری رپورٹ سامنے آگئی۔ اسلام آباد ہائیکورٹ میں جمع کروائی گئی رپورٹ کے مطابق 16 فروری کو ساڑھے 9 بجے ایف آئی اے افسر مارگلہ تھانے آئے۔ایف آئی اے کے وسیم سکندر نے محسن بیگ کے گھر روانگی سے آگاہ کیا۔
رپورٹ میں بتایا گیا ہے کہ صبح ساڑھے 10 بجے 15سے اطلاع ملی ملزمان نے چھاپامار ٹیم پر حملہ کر دیا۔پولیس موقع پر پہنچی تو دیکھا محسن بیگ بیٹےکے ہمراہ ایف آئی اے اہلکاروں پر حملہ آور ہیں۔پولیس ایف آئی اے اہلکاروں اور ملزم کو تھانے لے آئی۔تھانے میں دوبارہ جھگڑے پر محسن بیگ کو لاک اپ میں بند کر دیاگیا ۔
عدالت میں جمع کروائی گئی رپورٹ میں کہا گیا ہے کہ سرکاری گاڑیوں میں جانے والے اہلکاروں کو ڈکیت کیسے سمجھا جا سکتا ہے؟ ۔محسن بیگ اور ملازمین کوپتہ تھا آنے والے ایف آئی اے آفیشلز ہیں۔
