اسلام آباد: سینیٹ کی قائمہ کمیٹی برائے خزانہ کے چیئرمین نے ایف بی آر کو نئی ویلیوایشن کا سرکلر فوری واپس لینے کی ہدایت کر دی ۔
سینیٹ کی قائمہ کمیٹی برائے خزانہ کا اجلاس سینٹر طلحہ محمود کی زیر صدارت ہوا۔ اجلاس میں نئی ویلیو ایشن کا معاملہ زیر بحث آیا۔ اجلاس میں حکومتی ارکان نے بھی ایف بی آر ویلیو ایشن پر اعتراضات اٹھائے۔ کمیٹی نے ایف بی آر کو نئی ویلیوایشن کا سرکلر واپس لینے اور 15 روز میں اسٹیک ہولڈرز سے مشاورت کے بعد نیا سرکلر جاری کرنے کی ہدایت کر دی۔
سینیٹ کی خزانہ کمیٹی نے سیالکوٹ واقعے پر مذمتی قرارداد منظور کر لی ۔ قرارداد میں علماء پر ملک میں بڑھتی انتہاپسندی پر قابو پانے کیلئے کردار ادا کرنے پر زور دیا گیا۔ پیپلز پارٹی کی سینیٹر شیری رحمان نے واقعہ کو ایک سفاک قتل قرار دیا۔