تہران: ایران نے اپنے جوہری پروگرام کے حوالے سے بین الاقوامی معاہدے پر مذاکرات پر پیش رفت کا اعلان کیا ہے۔تہران کے اعلیٰ ترین مذاکرات کار علی باقری کے مطابق ایران ایجنڈا کے نکات پر اتفاق کرنے والا ہے۔
غیرملکی خبرایجنسی کے مطابق ایرانی مذاکراتکار نے اسے ایک نے جنیوا میں بات چیت کومثبت پیشرفت قرار دیتے ہوئے کہا کہ ابتدائی طور پر تو بات چیت کے لیے موضوعات پر اتفاق ہی نہیں ہو سکا تھا۔ ویک اینڈ پر برطانیہ میں جی سیون ممالک کے وزرائے خارجہ کے اجلاس کے اختتام پر کہا گیا کہ ویانا میں ہونے والے مذاکرات ایران کے لیے آخری موقع ہے کہ وہ جوہری معاہدے کی بحالی کے معاملے کو سنجیدگی سے لے۔