اسلام آباد: ا فواج پاکستان کے شعبہ تعلقات عامہ آئی ایس پی آر نے برطانوی نشریاتی ادارے بی بی سی اردو کی شائع شدہ خبر کو گمراہ کن قرار دے دیا ہے ۔
آئی ایس پی آر کے مطابق بی بی سی اردو کی آج شائع ہونے والی خبر مکمل طور پر بےبنیاد اور جھوٹ کا پلندہ ہے۔بی بی سی کی روایتی پروپیگنڈہ خبر میں کئی حقائق نظرانداز کئے گئے۔ خبر میں متعلقہ ضروری سورسز اور صحافتی اخلاقیات نظر انداز کی گئیں، خبر پاکستان کیخلاف جاری ڈس انفارمیشن کا حصہ ہے۔
آئی ایس پی آر کے مطابق بی بی سی اردو کی جعلی کہانی میں کوئی حقیقت نہیں ہے۔ گمراہ کن اسٹوری بنیادی صحافتی اخلاقیات کی خلاف ورزی ہے۔پاکستانی حکام معاملہ بی بی سی کی انتظامیہ کے سامنے اٹھائیں گے۔بی بی سی ماضی میں بھی حقائق کے برعکس خبریں دے چکا ہے۔ ماضی میں متعدد خبروں پر عالمی سطح پر بی بی سی کو ہزیمت کا سامنا کرنا پڑا ہے۔
آئی ایس پی آر کے بیان میں کہا گیا ہے کہ برطانوی ٹیکس گزاروں کے پیسے سے چلنے والے بی بی سی کو بھاری جرمانے ادا کرنے پڑے، بی بی سی کی کئی خبریں بے بنیاد پروپیگنڈہ پر مبنی اور حقائق کے برعکس تھیں۔