واشنگٹن :امریکی صدر جو بائیڈن نے اس خدشے کو مسترد کر دیا ہے کہ یوکرین کے بحران پر واشنگٹن اور ماسکو کے درمیان کشیدگی جوہری جنگ میں تبدیل ہوجائے گی۔
میڈیا سے گفتگو کرتے ہوئے جو بائیڈن نے کہا کہ امریکیوں کو اس تنازع کے خطرات کے بارے میں فکر مند ہونے کی ضرورت نہیں ہے۔صحافی کی جانب سے سوال پوچھا گیا تھا کہ کیا امریکیوں کو جوہری جنگ کے بارے میں فکر مند ہونا چاہیے۔واضح رہے کہ روس کے صدر ولادیمیر پوٹن نے اپنے ملک کی ڈیٹرنس فورسز اور جوہری ہتھیاروں کو ہائی الرٹ پر رکھ دیا ہے۔