الیکٹرونک اور پرنٹ میڈیا کی جوائنٹ ایکشن کمیٹی نے پیکا ایکٹ آرڈیننس کی مخالفت کردی۔ مشترکہ اعلامیہ میں پیکا مسودہ کو قانونی طور پر چیلنج کرنے کا اعلان کردیا۔
پاکستان براڈ کاسٹرز ایسوسی ایشن، ایسوسی ایشن آف الیکٹرانک میڈیا ایڈیٹرز، پاکستان فیڈرل یونین آف جرنلٹس، سی پی این ای اور اے پی این ایس کی مشترکہ ایکشن کمیٹی نے پیکا ایکٹ آرڈیننس مسترد کردیا۔
مشترکہ اعلامیہ میں کہا کہ پیکا ترمیمی آرڈیننس آزاد صحافت اور میڈیا کی آواز دبانے کی کوشش ہے۔ صدارتی حکم نامہ کے تحت میڈیا کی آزادی کو سلب کرنے کی کوشش کرنے کے اقدام کو قانونی طور پر چیلنج کیا جائے گا۔ میڈیا کمیونٹی اور سول سوسائٹی نے پیکا دوہزار سولہ کی کالی شقیں ختم کرنے کا مطالبہ کردیا۔
