اسلام آباد: پولیس کی جانب سے پارلیمنٹ لاجز سے جمعیت علمائے اسلام کے ایم این اے سمیت پارٹی کی ذیلی تنظیم انصار الاسلام کے کارکنان کی گرفتار ی کے خلاف جے یو آئی کے کارکنوں نے ملک بھر میں احتجاجی مظاہرے اور دھرنے دے دئیے۔
کراچی میں جمعیت علمائے اسلام کے کارکنوں کی جانب سے ملیر پل پر احتجاجی مظاہرہ کیا گیا ۔ ملیر پل کے دونوں اطراف ٹریفک کے لئے بند کر دیا گیا ہے ۔ کوئٹہ میں پی ڈی ایم کے سربراہ مولانا فضل الرحمن کی کال پر احتجاج کیا جا رہا ہے ۔ میر پور خاص گھوٹکی،لاڑکانہ، مورو، نوشہروفیروز اور دیگر شہروں میں بھی جے یو آئی کے دھرنے جاری ہیں۔
مولانا فضل الرحمان کی اپیل پر جمعیت علما اسلام کے کارکنوں نے پشاور اسلام اباد موٹروے کو بند کر دیا ہے ۔ بلوچستان کے علاقے سنجاوی میں جے یو آئی ف کے کارکنوں نے قومی شاہراہ کو ٹریفک کے لئے بلاک کردیا ۔