کراچی میں آج دوپہر سے تیز گرد آلود ہوائیں چلنے کا امکان ہے،آج دوپہر سے بلوچستان اور سندھ کی ساحلی پٹی پر گرد آلود ہوائین چلینگی۔ ڈائریکٹر محکمہ موسمیات سردار سرفراز کا کہنا ہے کہ آج کراچی میں شمال مغرب سے گرد آلود تیز ہوائیں چلنے کا امکان ہے جس کے باعث دو دن سردی بڑھ جائے گی۔
کراچی میں ہوا کی رفتار 50 کلو میٹر فی گھنٹہ تک ہوسکتی ہے، کچھ علاقوں میں 60 تا 65 کلو میٹر فی گھنٹہ کی رفتار سے ہوائوں کے جھکڑ بھی چل سکتے ہیں۔ محکمہ موسمیات کی شہریوں کو احتیاط کی ہدایت کی ہے۔
آج کراچی میں کم سے کم درجہ حرارت 16 ڈگری سینٹی گریڈ ریکارڈ کیا گیا، آج زیادہ سے زیادہ درجہ حرارت 28 ڈگری سینٹی گریڈ ریکارڈ ہونے کا امکان ہے۔ ہوا میں نمی کا تناسب 90 فیصد ریکارڈ کیا گیا۔