کراچی کے علاقے گلشن اقبال کے نزدیک جھونپڑیوں میں آگ لگنے سے پانچ بچے جھلس کر جاں بحق ہوگئے۔گلشن اقبال بلاک انیس عزیز بھٹی پارک کے قریب چھونپڑیوں میں اچانک آگ بھڑک اٹھی، افسوسناک واقعے میں پانچ جھونپڑیاں جل کر راکھ ہوگئیں ۔
فائر بریگیڈ حکام کے مطابق جھگیوں میں آگ بجلی کی تاروں میں شارٹ سرکٹ کی وجہ سے لگی ۔ آگ کی زد میں آکر پانچ بچے جھلس کر جاں بحق ہوگئے ۔ مرنے والوں میں بارہ سالہ صائمہ، گیارہ سالہ فرحان، نو سالہ کامران، آٹھ سالہ طیبہ اور چار سالہ بچی شامل ہیں ، لاشوں کو سول اسپتال منتقل کیا گیا۔
