کراچی: سی ٹی ڈی گارڈن سے ملزم کے فرار ہونے کا مقدمہ تھانہ نبی بخش میں درج کرلیاگیا۔مقدمہ سی ٹی ڈی ڈیوٹی آفیسر محمد کاشف کی مدعیت میں درج کیا گیا ہے ۔
کراچی میں گارڈن کے علاقے سے سی ٹی ڈی کی حراست سے ملزم کے فرار ہونے کا مقدمہ درج کرلیا گیا ہے ۔ ڈیوٹی آفیسر محمد کاشف کی مدعیت میں درج کیے گئے مقدمے میں سب انسپکٹر عبدالستار آرائیں اور ہیڈ کانسٹیبل محبوب حسین کو نامزد کیا گیا ہے۔
ملزم کو فرار کروانے کے ذمہ دار پولیس اہلکاروں کے خلاف تعزیرات پاکستان کی دفعات اے 34224/225 کے تحت عائد کی گئی ہیں۔مقدمے میں نامزد سب انسپکٹر عبدالستار آرائیں اور ہیڈ کانسٹیبل محبوب حسین کو گرفتار کیا جاچکا ہے۔
