کراچی میں بادل مزید برسیں گے، محکمہ موسمیات نے شہرمیں آج بھی گرج چمک کے ساتھ بارش کا امکان ظاہر کردیاجبکہ یہ سلسلہ عید پر بھی جاری رہےگا۔
شہر قائد میں بادلوں کے ڈیرے,محکمہ موسمیات نےاج بھی گرج چمک کے ساتھ بارش کاامکان ظاہرکرتے ہوئے عید کے دوران مزیدمون سون بارشوں کی نویدسنادی،اس دوران ،8 اور 9 جولائی کوکراچی،حیدراباد، میرپورخاص،دادو،،ٹھٹھہ اور بدین میں بھی تیز بارش ہوسکتی ہے۔
چیف میٹرولوجسٹ سردار سرفراز کےمطابق شہر میں دوپہر سے بارش کا سلسلہ شروع ہوسکتا ہے جس دوران کہیں معتدل اور کہیں تیز بارش ہوگی جبکہ بارش کا سلسلہ 9 جولائی تک جاری رہے گا۔
دوسری جانب گزشتہ روزہونےوالی بارش نے شہرکاحلیہ بگاڑ دیا،کراچی کے مختلف علاقوں میں بارش کا پانی اب تک موجود ہے،جس کے باعث ٹریفک کی روانی شدید متاثر ہو رہی ہے۔