کراچی کے مختلف علاقوں میں آندھی اور بارش بھی ہوئی ہے جبکہ گرد آلود ہوائیں بھی چلیں۔ محکمہ موسمیات کا کہنا ہے کہ شاہراہ فیصل پر کالی گھٹائیں اور ایئرپورٹ پر بھی شمال مشرق سے تیز ہوائیں چلیں۔
محکمہ موسمیات کے مطابق ہوا کی زیادہ سے زیادہ رفتار 70 کلو میٹر فی گھنٹہ ریکارڈ ہوئی جبکہ ملیر، شاہ فیصل کالونی، گلشن اقبال، گلستان جوہر میں بھی تیز ہوائیں چلنا شروع ہوگئیں۔ ناظم آباد اورنگی میں بھی گرد آلود تیز ہوائیں چلنے لگیں۔ ملیر، ایئرپورٹ، نیشنل ہائی وے، گلشن حدید، گلستان جوہر اور راشد منہاس روڈ پر بارش بھی ہوئی ہے۔
