محکمہ موسمیات نے کراچی کے شہریوں کو خبردار کرتے ہوئےکہا ہے کہ آج درجہ حرارت 41 ڈگری سینٹی گریڈ تک جانے کا امکان ہے، چیف میٹرو لوجسٹ سردار سرفراز کا کہنا ہے کہ کراچی تین روز مختصر ہیٹ ویو کی لپیٹ میں رہے گا، اس دوران موسم گرم، کبھی بہت گرم اور خشک رہنے کا امکان ہے۔
کراچی کو ایک مرتبہ پھرگرمی کی شدید لہر کا سامنا ہے، محکمہ موسمیات کی جانب سے کہا گیا ہے کہ آج شہر میں سمندری ہوائیں بندرہیں گی اور درجہ حرارت زیادہ سے زیادہ 41 تک پہنچنے کا امکان ہے۔ دن کے اوقات میں سمندری ہوائیں معطل رہیں گی۔انہوں نے مزید بتایا کہ رمضان کے پہلے ہفتے میں کراچی کا درجۂ حرارت 34 سے 35 ڈگری سینٹی گریڈ رہنے کا امکان ہے جبکہ 8 اپریل کے بعد گرمی کی شدت میں ایک بار پھر اضافے کا امکان ہے۔