کراچی کے مختلف علاقوں میں وقفے وقفے سے بارش کا سلسلہ جاری ہے جس کے باعث متعدد علاقوں میں پانی جمع ہو گیا ہے۔ محکمۂ موسمیات کے مطابق آج بھی شہر میں کہیں ہلکی اور کہیں تیز بارش ہو سکتی ہے جبکہ آج دوپہر کے بعد مون سون کے سسٹم کی شدت میں کمی کا امکان ہے۔
محکمۂ موسمیات نے بتایا کہ جولائی کا متوقع مون سون کا سسٹم بظاہر زیادہ شدت کا نہیں لگ رہا۔ بارش کا موجودہ اسپیل 26 جولائی تک جاری رہے گا جبکہ 30 جولائی سے ایک اور سسٹم کراچی پر اثر انداز ہو سکتا ہے۔
