اسلام آباد: آرمی چیف جنرل قمر جاوید باجوہ سے کرغزستان کے وزیر خارجہ نے ملاقات کی جس میں باہمی دلچسپی کے امور پر تبادلہ خیال کیا گیا ۔
آئی ایس پی آر کے مطابق آرمی چیف جنرل قمر جاوید باجوہ سےکرغزستان کے وزیر خارجہ رسلان قازاکبایف نے جی ایچ کیو میں ملاقات کی ۔ ملاقات کے دوران دوطرفہ دفاعی تعاون کو مزید بڑھانے کے اقدامات پر غور کیا گیا ۔ خطے میں امن و سلامتی کے لیے کوششوں سمیت دوطرفہ تعلقات کو مزید فروغ دینے کی خواہش کا اعادہ کیا گیا ۔
آئی ایس پی آر کے مطابق او آئی سی کے وزرائے خارجہ کی 48ویں کونسل کے اجلاس کے حوالے سے آرمی چیف نے گفتگو کی ۔ انہوں نے او آئی سی کوافغانستان کی سنگین انسانی صورتحال سے نمٹنے کیلئے ایم فریق قرار دیا۔کرغزستان کے وزیر خارجہ نے علاقائی استحکام میں پاکستان کے کردار کو سراہا۔