لاہور کے علاقے انار کلی بازار میں دھماکے باعث جاں بحق ہونے والوں کی تعداد دو ہوگئی۔ اکتیس سالہ رمضان اور نو سالہ بچہ زخموں کی تاب نہ لاتے ہوئے دم توڑ گئے جبکہ زخمی ہونے والے بیس افراد ہسپتال میں زیر علاج ہیں۔ایم ایس میو ہسپتال کے مطابق اسپتال میں ایمرجنسی نافذ کر دی گئی جبکہ پانچ مریضوں کی حالت تشویشناک ہے۔
ڈپٹی کمشنر لاہور عمر چھٹہ کے مطابق نیوانارکلی پان منڈی میں دھماکے سے تین افراد جاں بحق جبکہ بیس زخمی ہوئے ہیں۔ دھماکے سے چھ موٹرسائیکلیں تباہ،اردگرد کی دکانیں متاثر،گاڑیوں میں بھی آگ لگی۔ دوسری جانب پولیس کو شبہ ہے کہ دھماکہ موٹرسائیکل کے ذریعے کیا گیا۔
سکیورٹی فورسزنےعلاقےکوگھیرےمیں لےلیا ہے،پولیس اورریسکیو1122کی ٹیمیں دھماکےکی جگہ پرموجود ہیں، وزیراعلیٰ پنجاب عثمان بزدارکاانارکلی دھماکےکےواقعہ کا نوٹس لیتے ہوئے آئی جی پنجاب سےرپورٹ طلب کرلی ہے۔