لکی مروت میں پولیس اور سی ٹی ڈی کا ایک اور کامیاب آپریشن چار دہشتگرد ہلاک۔ مرنے والے دہشتگردوں سے خودکار ہتھیار برآمد۔
تفصیلات کے مطابق لکی مروت کے تھانہ نورنگ میں تختی خیل کے علاقے میں کالعدم تنظیم کے کاروندوں کی موجودگی کی اطلاع پر کاررائی کی گئی۔ قانون نافذ کرنے والے اداروں نے علاقے کو گھیرے میں لے کر آپریشن کیا۔ دوران آپریشن دہشتگردوں نے فائرنگ شروع کر دی جوابی فائرنگ میں چار دہشتگرد ہلاک ہو گئے۔ مرنے والے دہشتگردوں سے خود کار ہتھیار برآمد کیئے گئے۔
ڈی پی او لکی مروت کا کہنا ہے ہلاک ہونے والے دہشت گردوں کا تعلق کالعدم تنظیم سے ہے،علاقے میں و امان کی فضا قائم رکھنے کیلئے کسی بھی قربانی سے دریغ نہیں کیا جائے گا۔