باجوڑ: قبائلی علاقے باجوڑ میں اسپورٹس فیسٹول دو ہزار بائیس کا آغاز ہوگیا ہے۔ ننھی بچیوں نے سفید رنگ کے لباس پہن کر قومی پرچم کے ساتھ کھلاڑیوں کا استقبال کیا۔
باجوڑ میں اسپورٹس فیسٹول دوہزار بائیس کا باقاعدہ افتتاح غبارے ہوا میں چھوڑ کر کیا گیا۔ مختلف ٹیموں کا استقبال کرنے کے لئے بچوں نے فوجی وردی زیب تن کی تھی جبکہ بچیوں نے سفید رنگ کے لباس کے ساتھ قومی پرچم اٹھارکھے تھے۔
ننھے ننھے کراٹے ماسٹرز نے کراٹے کے حیرت انگیز کرتب دکھاکر خوب داد سمیٹی۔ اسپوررٹس فیسٹول 23 مارچ تک جاری رہے گا جس میں ایتھلیٹکس، کرکٹ، فٹ بال، باسکٹ بال، ٹیبل ٹینس، والی بال اور بیڈمنٹن کے مقابلے ہوں گے۔
