کوئٹہ: بلوچستان کے 32 اضلاع میں بلدیاتی انتخابات کے لئے پولنگ کا سلسلہ جاری ہے ۔ بلدیاتی الیکشن میں 35 لاکھ سے زائد ووٹرز اپنا حق رائے دہی استعمال کر یں گے ۔
الیکشن کمیشن کے مطابق بلوچستان کے 32 اضلاع میں بلدیاتی انتخابات کیلئے پولنگ جاری ہے ۔ بلدیاتی انتخابات کیلئے 5226 پولنگ اسٹیشنز قائم کیے گئے ہیں جن میں سے 1974پولنگ اسٹیشنز حساس،2034انتہائی حساس قرار دیئے گئے ہیں۔
الیکشن کمیشن کے مطابق چار ہزار چار سو چھپن شہری اور دیہی وارڈز میں پولنگ ہوگی ۔ چودہ ہزار چھ سو گیارہ امیدوار میدان میں ہیں جبکہ ایک ہزار پانچ سو چوراسی امیدوار بلامقابلہ منتخب ہوچکے ہیں ۔ بلدیاتی الیکشن کے موقع پر سیکیورٹی کے سخت انتظامات کیے گئے ہیں۔ پولنگ اسٹیشنز پر پولیس، لیویز اور ایف سی کے اہلکار تعینات ہیں۔