اسلام آباد: الیکشن کمیشن آف پاکستان نے خیبر پختونخوا میں ہونے والے بلدیاتی انتخابات کے ملتوی ہونے کی خبر کی تردیدکی ہے۔
ترجمان الیکشن کمیشن نے کے پی کے میں ہونے والے بلدیاتی انتخابات کے ملتوی ہونے کی خبر کی تردید کرتے ہوئے کہا ہے کہ انتخابات مقررہ شیڈول کے مطابق 19 دسمبر ہی کو ہونے جا رہے ہیں۔سوشل میڈیا پر چلنے والی خبر کی سختی سے تردید کرتے ہیں۔
ترجمان الیکشن کمیشن نے کہا کہ انتخابات مقررہ شیڈول کے مطابق ہونگے ۔شہری تصدیق کے لئےالیکشن کمیشن کی ویب سائٹ اور شعبہ تعلقات عامہ سے رابطہ کیا کریں۔ گمراہ کن اور بے بنیاد جھوٹی خبروں پر یقین نہ کریں۔