مسلم لیگ نون کی نائب صدر مریم نواز نے ٹوئٹ کیا ہے جس میں ان کا کہنا ہے کہ عمران خان کو پاکستان کو تباہ و برباد کرنےکے لیے لانچ کیا گیا اور فنڈز فراہم کیے گئے ہیں۔
مسلم لیگ نون کی نائب صدر مریم نواز نےکہا ہےکہ عمران کے ساتھ سیاسی لیڈر جیسا سلوک کرنا بند کرو کیونکہ وہ ایسا نہیں ہے۔ عمران خان کو پاکستان کو تباہ و برباد کرنے اور قوم کو بدحالی اور مایوسی کے گڑھوں میں دھکیلنے کے لیے لانچ کیاگیا اور فنڈز فراہم کیے گئے ہیں۔
مریم نواز نےکہا عمران خان نے ہمارے ملک کے استحکام، معیشت، معاشرے، میڈیا اور اب اس کی مسلح افواج پر حملہ کر کے جنگ چھیڑ دی ہے۔ اگر عدلیہ سمیت تمام اسٹیک ہولڈرز کی طرف سے اسے ڈبل ڈیلر قرار نہیں دیا گیا تو پاکستان اس صدمے سے کبھی نہیں نکلے گا اور نیچے کی طرف جاتا رہے گا۔
