اسلام آباد: وزیر خارجہ شاہ محمود قریشی سے امریکی ایوان نمائندگان کی خارجہ امور کمیٹی کے چیئرمین نے ملاقات کی ہے ۔
وزیر خارجہ شاہ محمود قریشی اور امریکی ایوان نمائندگان کی خارجہ امور کمیٹی کے چیئرمین کے درمیان ملاقات میں پاک امریکا تعلقات، علاقائی صورتحال اور باہمی دلچسپی کے امور پر تبادلہ خیال کیا گیا ۔
اس موقع پر گفتگو کرتے ہوئے وزیرخارجہ شاہ محمود قریشی نے کہا کہ پاکستان، امریکا سے دیرینہ تعلقات کو انتہائی اہمیت دیتا ہے ۔ تعمیری روابط سے خطے میں امن، سلامتی اور ترقی کو فروغ دینے میں مدد مل سکتی ہے۔