وزارت دفاع نے سابق فوجیوں کی دو تنظیموں سے اظہار لاتعلقی کر دیا۔ ایکس سروس مین سوسائٹی اور ویٹرنز آف پاکستان کی سرگرمیوں کو تسلیم کرتے ہیں اور نہ ہی ان کی توثیق۔
وزارت دفاع سے جاری ایک بیان میں سابق فوجیوں کی دو تنظیموں سے لاتعلقی کا اظہار کیا گیا ہے۔ بیان میں کہا گیا ہے کہ ایکس سروس مین سوسائٹی اور ویٹرنز آف پاکستان کو نہ ہی ان کی سرگرمیوں کو تسلیم کرتے ہیں اور نہ ہی توثیق۔ بیان میں مزید کہا گیا ہے کہ یہ تنظیمیں خیراتی مقاصد اور سیلاب زدگان کی امداد کےلیئے فنڈ مانگ رہی ہے ان کی ایسی سرگرمیوں سے وزارت دفاع کا کوئی تعلق نہیں۔
وزارت دفاع کا کہنا ہے کہ مسلح افواج کی حمایت یا تسلیم کرنے کا اُن کا دعویٰ حقائق کے منافی ہے، ایسی سوسائٹیوں کو مسلح افواج نے تسلیم کیا اور نہ ہی اِس کی اجازت ہے سابق فوجیوں کی سوسائٹیوں کے کام کرنے کی جامع پالیسی اور رہنما اصول موجود ہیں، پالیسی اور اصولوں کی خلاف ورزی قابل تعزیر جرم ہوگی۔
