اسلام آباد:پولیس نے سینئر صحافی محسن بیگ کے خلاف بغیر لائسنس کے پستول رکھنے کا مقدمہ درج کرلیا ہے ۔محسن بیگ کو ڈیوٹی جج کی عدالت میں پیش کیا گیا۔
اسلام آباد پولیس نے تھانہ مارگلہ میں سینئر صحافی محسن بیگ کے خلاف ایک اور مقدمہ درج کرلیا ہے ۔ مقدمے کے متن میں کہا گیا ہے کہ ملزم نے پولیس پارٹی کی موجودگی میں اپنے گھر سے پستول برآمد کروایا تاہم ملزم برآمد کیے گئے پستول کا کوئی بھی لائسنس پیش ناکرسکا۔